Atzoko txupinazoaren ostean, festa giroak jarraitzen du Larraulen. Haur ugari hurbildu da goizean Larraulgo plazara. Hiru taldetan banatu eta altxorraren jokoan aritu dira. Beroari aurre egiteko, piratak ibili dira herrian; baldeak urez bete eta haurrak freskatzen aritu dira. Jokoarekin amaitzerako, plaza prest zuten apar festerako. Bainujantziak, betaurrekoak eta txankletak soinean, haurrek ez dute aukerarik galdu aparretan murgiltzeko.
Eguerdian, haurren bazkaria egingo dute eta ondoren, puzgarriak izango dituzte. Gauean, herri afaria egingo dute Herri Ostatuan, eta gero, Patxuko nice eta DZ Zigor musikariek jarriko dute giroa.
Asteburuan jarraituko dute festek; ikusi hemen datozen egunetako egitaraua.
