Linua Euskal Herrian, linua Larraulen egitasmoa abiatu dute aurten Larraulgo Dina 7 kultur taldekoek. Katillutxulon linu-putzu bat berreraiki dute eta Larraulen egindako linua beratzen jarriko dute bertan. Proiektua datozen asteetan zabalduko da eta Larraulgo kultur astean izango dira ikusgai ondorengo lanak.
Asteartean, urriak 11, Larraulgo museo etnografikoan binilozko diskak jarriko dira ikusgai, entzungai eta dantzagai. Erromeria bat antolatu dute inaugurazio ekitaldirako, 19:00etan hasita. "Oinetako erosoak eta mokadua ekarri, han edaria izango da", esan dute elkarteko kideek.