Egun guztian izango da festa giroa. Goizeko 10:30ean hasiko dira egitarauko ekimen desberdinak. Baina, horrez gain, goizean zehar pintxoak jateko aukera eta trikitilariez gozatzeko aukera izango da, herrian jai giro hori nabarmenagoa izan dadin laguntzen. Pilota partidei dagokienez, aipatu behar da Benjaminetan Lertxundi-Aranburu bikotea ariko dela Belauntzaran-Irazu bikotearen aurka. Eta jubenilen mailan, berriz, Labaka-Erreka ariko dira Urbieta-Errazkinen aurka.
Bazkarirako txartelak
Bazkarira joan nahi duenak, bihar arte, hilak 24, izango du txartelak eskuratzeko aukera; helduek 17 euroren truke eta 12 urtez azpiko haurrek 7 euroren truke. Salmenta puntuak honakoak izango dira: Ostatua Larraulen, Iriarte eta Zentroa Zizurkilen, Uztartza Adunan, Iturri Ondo eta Patxine Asteasun, eta Iratzar eta Kixubi Amasa-Villabonan.
Honetaz guztiaz gain, Larraulgo museo etnografikoa ere zabalik izango da egun guztian zehar, bisitatu nahi duenarentzat.
Hortaz, Aiztondo bailarako herritarrek larunbatean aldarrikapena albo batera utzi gabe, festa egun batez gozatzeko aukera izango dute.
EGITARAUA
APIRILAK 26, LARUNBATA
10:30. Prentsaurreko instituzionala.
11:00. Pilota partidak.
13:00. Ekitaldia.
14:00. Bazkaria. Ondoren, kantu saioa.
17:00. Toka eta bolo desafioa haur eta helduentzat.
Azken ostirala
Apirileko azken ostirala izango da etzi, eta eskualdeko herri guztietan euskal preso eta iheslari politikoen eskubideen aldeko elkarretaratzeak egingo dituzte.
Apirilaren hasieran 498 preso 79 espetxetan sakabanatuta zeuden; horietako 6 soilik daude, gainera, Euskal Herriko 3 espetxetan.
Egun 11 dira gaixotasun larriak eta sendaezinak pairatzen dituzten euskal presoak, Etxerat elkartearen datuen arabera.
Alegia. 19:30ean.
Altzo. 18:30ean.
Amasa-Villabona. 20:00etan.
Amezketa. 19:30ean.
Anoeta. 19:30ean.
Asteasu. 19:00etan.
Berrobi. 19:30ean.
Berastegi. 19:30ean.
Ibarra. 19:30ean.
Ikaztegieta. 20:30ean.
Irura. 19:30ean.
Gaztelu. 19:30ean.
Leaburu. 20:15ean.
Lizartza. 20:00etan.
Tolosa. 19:30ean.
Zizurkil. 20:00etan.