Alegiako Txintxarri Abesbatza Kultur Elkarteak urteko batzar nagusia egingo du hil honen 11n, osteguna, gaueko bederatzietan. Elkarteko bi abesbatzen jarduerari buruzko argibideak emango dira batzar horretan eta hasi berri dugun urteari begira taldeek dituzten proiektuez hitz egingo da. Batzarra kultur etxeko areto nagusian izango da.
2017.urteari dagozkion ekitaldien errepasoa egingo du lehendabizi Txintxarri Abesbatza Kultur Elkarteak, aurreko urteko ekintzak aztertu, baloratu eta urte berrikoak prestatzen hasteko.
2017ari dagozkion diru kontuak onartu eta 2018ari dagozkion aurreikuspenak egingo dira. Horrez gain, 2018ari begira bi koruek dituzten ekintzen aurreikuspenak ere aurkeztuko dira batzar nagusian. Elkarteko Zuzendaritza Batzordearen zati bat ere berritu egingo da batzar nagusi horretan.
Elkarteko bazkide guztiei batzar horretara joateko dei egiten zaie, eta bide batez, elkarteko bazkide egin nahi izanez gero, koruko kideren batekin harremanetan jarri edota kultur etxeko postontzian eskaera uztea besterik ez da egin behar.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
