Bi abesbatzek ostegunetan egingo dituzte entseguak herriko kultur etxeko areto nagusian, Garbiñe Orbegozoren gidaritzapean. Taldeko gazteenek 19:30etik 20:30era entseatuko dute. Helduek, berriz, 21:00etatik 22:30era
Udazkenean ospatuko dute, urtero legez, Txintxarri Eguna eta bi abesbatzak egun horretarako doinuak prestatzen arituko dira datozen asteetan. Aurrerago eskainiko ditu abesbatzak Txintxarri Egunari buruzko argibide zehatzagoak.
Txintxarri abesbatzak alegiarrak eta Alegiatik kanpoko herritarrak animatu nahi ditu koruan izena ematera. Interesa izanez gero, kultur etxean utzi behar dira harremanetan jartzeko datuak edota bestela abesbatzako norbaitekin kontatuan jarri behar da.
Txintxarri Txiki abesbatzaren kasuan adin tartea zabaldu egin du abesbatzak. Hortaz, 7 urtetik hamasei urte bitarteko haur eta gazteek abestu ahal izango dute koruan, hau da, 2. Mailan ari direnetatik hasi eta DBH 4an ari diren ikasleetaraino.