Aurten ere txandaka arituko dira abesbatzakoak eta bertsolariak. Aurten Mikel Artola eta Imanol Irazustabarrena herriko bertsolariak arituko dira koplak kantatzen. Bertsolariek koplak kantatuko dituzte etxe atarietan eta abesbatzakoek lagunduko diete. Bertso saio batean bezalaxe, edozein gairi buruzko bertsoak izango dira.
Abesbatzakoek, berriz, Siziliako martiriari eskainitako doinuak abestuko dituzte. Kalez kale ibiliko dira, eta hori dela eta, herritar guztiei dei egiten diete eurekin batera santa eskean ibil daitezen.
Kanturako deia herritarrei
Ostegun honetan entsegua egingo dute Alegiako kultur etxeko areto nagusian gaueko bederatzietan. Herritarren parte-hartzea bultzatu nahi dute. Hori dela eta, herritar guztiei dei egiten diete eurekin batera santa eskean ibil daitezen.
Larunbateko hitzordua, berriz, arratsaldeko seietan da Larraitz auzoan. Herriko plazan amaituko dute kantu eta bertso saioa.