Txandaka arituko dira abesbatzakoak eta Felix eta Imanol Irazustabarrena bertsolariak. Bertsolariek koplak kantatuko dituzte etxe atarietan eta abesbatzakoek lagunduko diete. Bertso saio batean bezalaxe, edozein gairi buruzko bertsoak izango dira. Umore zipriztinik ez da faltako euren saioetan.
Abesbatzakoek, berriz, Siziliako martiriari eskainitako doinuak abestuko dituzte. Kalez kale ibiliko dira, eta hori dela eta, herritar guztiei dei egiten diete eurekin batera santa eskean ibil daitezen.
Datorren asteartean, otsailaren 4an kalerako aterako dira arratsaldeko zazpietatik aurrera, nahi duten herritarrak lagun dituztela. Larraitz auzoko plazatik abiatuko da taldea eta herriko plazan amaituko du.
Aldez aurretik entsegua egingo dute otsailaren 2an gaueko bederatzietan herriko kultur etxean. Herritarren parte-hartzea bultzatu nahi dute. Hori dela eta, herritar guztiei dei egiten diete eurekin batera santa eskean ibil daitezen.