Arreta pertsonalizatua
Orientazio-tutoretza pertsonalizatua eskaintzen da, enpresa ideia, arriskuak, aukerak, bideragarritasuna eta finantziazioa lantzeko. Urrats hauek jarraitzen dira:
1. Bideragarritasun Azterketa
Bideragarria da ideia? Zenbat diru eta denbora kostako zait enpresa abian jartzea? Enpresa ideiari eragiten dioten aldagaiak aztertzen dituen enpresa plana garatzea da lehen urratsa. Horretarako orientazioa eskaintzen da.
2. Egitura juridikoa
Autonomo, ondasun erkidego, sozietate mugatu, sozietate anonimo… egitura erabaki eta legezko izapideak aurrera eramateko laguntza eskaintzen da.
3. Formazioa
Enpresa kudeaketa ikastaroak antolatzen dira, ekintzaileei beren negozioa kudeatzen irakasteko.
4. Finantziazioa
Diru-laguntzarik ba ote da enpresa martxan jartzeko? Langabezia subsidioa jasotzeko aukera dut? Finantziazioa lortzen laguntzen dugu, entitate ezberdinekin ditugun hitzarmenei esker.
Zein motatako negozioa jar dezaket martxan?
Orotariko enpresak sortzen laguntzen dugu Tolosaldea Garatzenen: dendak, ile-apaindegiak, akademiak, landetxeak, enpresa industrialak, ingeniaritza enpresak, fisioterapia zentroak…
18 enpresa 2020an
Aurten, oraingoz, 18 enpresa sortu dira, Tolosaldea Garatzenen laguntzaz: Altzon, Iruran eta Zizurkilen bana; bi Ibarran, eta gainerakoak Tolosan. Gehiago ere sortzeko bidean dira.
Zalantzarik? Galdetu lasai:
Tolosaldea Garatzen | Lehiberri Zentroa
Tel.: 943 65 45 01
E-mail-a: zubeldia@tolosaldea.eus
