2020ak hamabostaldia bete berritan, oraindik bada aitzakiarik iazko balantzeei begiratzeko, eta horixe egin du, gaur, Jon Zubeldia Tolosaldea Garatzeneko Ekintzailetza Saileko arduradunak. Guztira, iaz 47 enpresa proiektu jarri zituzten martxan eskualdeko ekintzaileek.
Sektore bat nabarmendu da 2019ko enpresa proiektu berrietan: merkataritza eta zerbitzuena. Horrela, 47 horietatik bi baino ez dira hasi haztegietan eta Emari co-working gunean. Jon Zubeldiak azaldu duenez, negozio ideia garbiak dituzten ekintzaileak izan dira gehienak.
Eragin ekonomikoari begiratuz gero, guztira, 1 milioi euroko inbertsioa egin dute; enpresa bakoitzak, batez beste, 40.000 eurokoa. Azkenik, nabarmentzekoa da, emakume eta gizonen artean parekidetasuna izan dela 2019ko ekintzaileen artean.
