Honelako egitasmoak oso onak dira euskara ikasten ari garen jendearentzat, solasaldi errazak jarraitu eta ia-ia dena ulertu dezakegunontzat. Askotan, gure arazoa, gure ideiak ezin ditugula ongi adierazi da.
Horrelakoetan gaztelaniara, gure jatorri-hizkuntzara, jo behar izaten dugu. Ariketa sozial honek, euskaldunekin naturaltasunez harremanetan egotea eta elkar-ulertzea errazten digu, inor bere jatorriko hizkuntzari uko egin gabe eta gu, zailak egiten zaizkigun egoeretan euskaraz hitz egitera behartu gabe.
Solasaldi hauek, guztiontzat bai euskaraz eta bai gaztelaniaz normaltasunez mintzatzeko lehen urrats bat izatea espero dut.
Horregatik, BELARRIPREST izango naiz ni, eta horretara animatzen ditut nire moduko guztiak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
