Zergatik parte hartu Euskaraldian?

Erabiltzailearen aurpegia

Euskaraldiaren Tolosaldeko Hamaikakoa osatzen duten kideek 11 eguneko esperimentu sozialean parte hartzearen garrantzia nabarmendu dute.

Unai Mendizabal: «Euskaraz badakigunon eta ez dakitenen kontzientziak pizteko baliagarri izango da».

Garbiñe Biurrun: «Gizarte honetako partaide naizenez, euskarekiko konpromiso bat daukat. Konpromiso hori egonkortu eta azaldu nahi dut Euskaraldian».

Kike Amonarriz: «Tolosaldean inon ez bezalako eta inoiz ez bezalako aukerak ditugu euskara hizkuntza nagusia izateko. Horregatik da horren garrantzitsua Euskaraldia».

Elixabet Azpiroz: «Esparru guztietan euskaraz bizi nahi dugunok horrelako ekimenetan parte hartu behar dugu erabilera ezagutzaren maila berekoa izateko».

Armando Roca: «Euskal Herria maite dut eta nire seme-alabek euskaraz hitz egiten dute. Horrelako mugimenduak errespetatu eta babestu behar dira».

Mila Canseco: «Betidanik naiz belarripresta. Urte batzuk daramatzat Mintzalagunean parte hartzen eta horregatik hartu dut konpromisoa Euskaraldiarekin».

Jokin Altuna: «Aldagelan askotan bizi dugu batzuk euskaraz eta besteek gaztelaniaz egitea. Denon partetik jarri behar dugu euskararen egoera eta erabilera hobetzeko».

Tarba Dedah: «Euskara gehiago barneratzeko helburuarekin hartuko dut parte, nire egunerokotasunean presenteago izateko».

Iker Galartza: «Euskara entzun eta euskaraz hitz egitea gustatzen zait. Nire herrian euskaldunez inguratuta egon nahi dudalako hartuko dut parte Euskaraldian».

Ane Urkola: «Ekimenaren helburua erabileran eragitea denez, interesgarria iruditzen zait hizkuntza ohiturak aldatu eta erabilera datuei buelta emateko».

Axun Lopetegi: «Azken urteetan euskara jende askok ikasi duen arren, kalean ez da horrenbeste antzematen. Horri bultzada bat eman nahiko nioke Euskaraldiarekin».

Erlazionatuak

Euskaraldiak baditu bere enbaxadoreak, Tolosaldean ere

Tolosaldea

11 eguneko esperimentu soziala izango da Euskaraldia, eta eskualdeak osatu du bere Hamaikakoa; herritarrek ostegunetik aurrera izena eman ahal izan...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!