Steam disziplinak, robotika talde interaktiboetan

Erabiltzailearen aurpegia

Martxoak 28an, osteguna, goizeko 09.30ean Pedro Mari Otaño eskolan talde interaktiboetan robotikako lehen saioarekin hastera goaz.

“STEAM” Ingelesezko akronimoa da: Science, Technology, Engineering, Arts eta Maths, hots, zientzia, teknologia, ingeniaritza eta matematikak. STEAM hezkuntza estrategia bat da eta estrategia honek ondorengoa lortu nahi du: Pentsamendu zientifiko, teknologiko, artistiko eta matematikoaren kultura suspertzea, eta ikasleak, erabakiak hartzeko orduan, ebidentzietan oinarritutako arrazoimena erabil dezaten bultzatzea, arazoak ebatziz eta lan kooperatiboa erabiliz.

Helburuak hauek izanik robotika helburu hauek lortzeko bidean darabilgun baliabide bat da. Robotikan, robotak edo gailu desberdinak programatuz, hauei mugimendua ematen lortzea bilatzen da. Ikaskuntza prozesu paregabea da. Robotikak ez du soluzio bakarra eskaintzen, hamaika modu desberdin eskaintzen ditu, ikasleen arteko komunikazioa eta elkarlana bultzatuz. Era berean, sormena, lidergoa eta frustrazioarekiko tolerantzia jorratzeko aukera eskaintzen du.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!