ataria.eus

Auzolanean ikasgelak margotzen

Erabiltzailearen aurpegia   Hezkuntza

Joan den asteburuan 35 guraso elkartu ziren Pedro Mari Otaño eskolan ikasgelak auzolanean margotzeko. Honako gutuna prestatu du Onbu guraso elkarteak:

P.Mª Otaño eskolako argiak piztuta ikusiko zenituzten asteburu honetan... Lasai, ostiralean inor ez zen ahaztu ateak itxi eta argiak itzaltzeaz. Gauza handia gertatu da paretaren beste aldean!

Ikasturte honetan Haur Hezkuntzan, Sopuertako Labaluga ikastetxeko hezitzaileak bidelagun hartuta, proiektu berri bat jarri da martxan. Beraien esperientziatik abiatuta, gure eskolan egiten dugun hori hobetzen eta pulitzen lagunduko digute eta nola ez lanerako modu berriak irakatsiko dizkigute.

Bide honetan espazioaren berrantolaketa eta egokitzea ezinbestekoak dira eta honetarako HHko geletako paretak eta altzariak kolore neutro bat izateak, berebiziko garrantzia du. Arrazoi estetikoez gain, lanerako gune lasaiak sortzea da asmoa, gure haurrentzat, esperimentatu eta jakintzak eskuratzeko guneak prestatzea, alegia.

Eta gurasook proiektuarekin bat eginda gure ekarpena eginez lan horretan laguntzeko konpromisoa hartu dugu. Horretarako pasa den asteburuan komunitate osoari deialdia luzatu genion eta hainbat guraso, senide eta herritar asteburuan auzolanean aritu gara gelak eta altzariak margotzen.

Eskerrak eman nahi dizkiogu, astean zehar prestaketa lanetan eta asteburuan margotzen aritu diren guztiei. Beste behin ere gure eskolan auzolanean ametsak egi bihurtu daitezkeela frogatu da. Gora zuek!

 

Ikusi argazki guztiak handiago

Auzolanean ikasgelak margotzen - 1

Auzolanean ikasgelak margotzen - 2

Auzolanean ikasgelak margotzen - 3

Auzolanean ikasgelak margotzen - 4

Auzolanean ikasgelak margotzen - 5

Auzolanean ikasgelak margotzen - 6

Auzolanean ikasgelak margotzen - 7

Auzolanean ikasgelak margotzen - 8

Auzolanean ikasgelak margotzen - 9

Auzolanean ikasgelak margotzen - 10

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa