Gogorarazi, gurasoak direla ekimen hauen bultzatzaile nagusiak. Haurrengan irakurzaletasuna sustatzeko bidean, behin eta berriz eredu izanik, haur eta gazte literaturaren inguruan antolatzen diren ekintza hauek antolatuz. Irakurtzea bultzatzeko irakurriz, ipuinekin gozatuz, ipuinetara gerturatzeko gonbita eginez.
Horrelako ekimenek helburu asko betetzen dituzte eta sentsibilitate ezberdinen elkargunea dira. Esaterako, atzokoan gertatu zena oso berezia izan zen. Ama erdal hiztun bat izan zen ipuina euskaraz kontatu zuena, lotsak eta beldurrak alde batera utzirik, berea ez den hizkuntza batean aritu zen, ezin hobeto. Ausardia erakutsi zuen eta bertaratu ziren haur eta helduentzat eredu izan zen. Euskararen alde 20. Korrika herriz herri dabilten honetan ere Zizurkilen euskararen aldeko keinu polita izan zen atzokoa.
Ostiralean, olerkiak eta abestiak ikasteko aukera izan zuten haurrek eta animaliek elkarlanean ilargia nola dastatu zuten ikusi ahal izan zuten. Jarraian, liburuzainen eskutik orri-markatzaileak sortzeko tailerra egin zuten. Haurrek zein gurasoek oso gustura hartu zuten ekimena.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!