Lehen asteburuan arrakasta itzela izan omen du. Herriz herri ibiliko da orain, zirkuaren magia eta euskara herriz herri zabaltzen. Bejondeiala, Iker, gure hizkuntzan hutsunea betetzeagatik. Bejondeiala, txikitako ametsak egia bihurtzen saiatzeagatik.
Izan ere, azken 50 urteotan gure hizkuntzak aurrera egin badu, horrelako jende ekintzaileengatik izan da. Txisteak grazia erderaz bakarrik omen zutenean, plazaz plaza txiste kontalari ibili zinatenok; musika makarrena euskaraz egin duzuenok; bertsoa baserri girotik antzokietara eraman duzuenok; euskaraz lanean normal-normal zabiltzatenok; euskarazko komunikabideak sortu zenituztenok, fisika nuklearra euskaraz ere egin zitekeela demostratu zenutenok…. eskerrik asko guztiei. Ez dadila haria eten.