Sorterriak baino hizkuntzak ematen digu nazio nortasuna

Erabiltzailearen aurpegia Mikel Ozaita 2018ko urt. 30a, 15:13

AEBetako, Kanadako, Europako, Australiako eta Japoniako herritarrei egindako ikerketa batean ondorioztatu da, nagusitasun osoz gainera, hizkuntza dela bereizgarri nagusia nazio identitatea eraikitzeko garaian, erlijioa, tradizioak edota jatorriaren aurretik.

Euskal Herriak ere gaurdaino nazio izaera mantendu badu, bere hizkuntza, belaunez belaun transmititu, hiztun berriak erakarri eta batez ere hiztunek berau erabili dutelako izan da, oztopo guztien gainetik. Gure baitan ditugun erdarek, ordea, erabateko nagusitasuna dute gure Herrian, bi Estatu indartsuren eta beste ia estamentu guztien babespean.

Etorkizunean ere, euskararen geroak baldintzatuko du Euskal nazioaren bilakaera eta balizko Euskal Estatuaren eraikuntza. Izan ere, Txillardegik zihoen moduan, “euskara da gure aberria”.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!