Kale Kantoitik

Nora goaz baina?

Erabiltzailearen aurpegia
Zurekin beti ari naiz
ailedi eta aileza,
ainendi zuretzat betiko.
Ez didazu zuhurtzia bat ematen,
zure hitzak hiztegi isil bat dira.
Ailedika eta ailezaka nora goaz,
baina? Eta ni zuretzat ainendika?
Ez al dakizu esaten, errezo baten gisa,
zu zara nire fandangoa eta lurra,
nire fonetika eta haurtzaroa,
bidean jaso ditudan masusta denak?
Ni beti ari naiz eta zuk ez didazu...
Eta nora goaz gureak aileza iraun batekin,
nora ailedi betiko gure maitasuna batekin,
edo ainendi pozez esanda,
zuk ez badituzu balizko lur urrunak
benetako puntu kardinal bihurtzen?

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!