Ez didazu zuhurtzia bat ematen,
zure hitzak hiztegi isil bat dira.
Ailedika eta ailezaka nora goaz,
baina? Eta ni zuretzat ainendika?
Ez al dakizu esaten, errezo baten gisa,
zu zara nire fandangoa eta lurra,
nire fonetika eta haurtzaroa,
bidean jaso ditudan masusta denak?
Ni beti ari naiz eta zuk ez didazu...
Eta nora goaz gureak aileza iraun batekin,
nora ailedi betiko gure maitasuna batekin,
edo ainendi pozez esanda,
zuk ez badituzu balizko lur urrunak
benetako puntu kardinal bihurtzen?