Beti ezetz diozu, birritan,
ez igo ez jaitsi ez ezer,
biluzik zaudela bestaldean,
lore-jantzian ia larru gorri,
eta beste gizaldi batean.
Zenbat gizaldi dira bi egun?
Eta zer jantzi behar du arrosak
arrosaren gainean jartzeko?
Zauden bezala baldin bazaude,
edertasunari gain hartuta,
zatoz zaudentxoan korrika,
igo eta joan eta zerua ukitzean
ortzia bera ere hanka-punttetan
bilduko litzateke gugana,
ume galdu baten antzera
babes eta ipuin bila.
