Patagonian jaio eta bizi den Rocio Basterra euskalduna Ibarran izan zen pasa den udan. Pozik kontatu zidan duela gutxi berak euskaldundutako 15 urteko anaiak gauzarik hunkigarriena esan ziola: “Zein arraroa egiten zaidan zurekin euskara ez den beste hizkuntza bat egitea!”.
Eta pentsatu nuen: Ez al gara gu ere Tolosaldean, ohitura, lotsa edo alferkeria baztertuta, euskarazko harremanak ilusioz sortzeko eta biziberritzeko gai izango?
Maiz puztu egiten gara euskara hain hizkuntza zaharra delako, horretan meritu zuzenik izan gabe. Aldiz, 11.000 urte barru euskarak bizirik jarraitzea gaurko hiztunon esku dago erabat. Nik behintzat harrotasunez hartu dut AHOBIZI ardura. Goza dezagun Euskaraldia!
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
