Aipatu genuen, erlauntza barruan garrantzi handiko partaidea zela baina, garrantzitsuena? Ez gure ustetan!
Langile izateak bai baitu zama handi bat, ardura bat edo askotan bat baino gehiago. Erlauntza barruan langileak arduratzen dira dena ongi egoteaz, erregina zaintzeaz, erreginak arrautzak erruteko abaraskak egiteaz, jan bilketez, familia zaintzeaz, etxea zaintzeaz (erlauntza) eta hildakoak ateratzeaz...
Langileak, bai
izen bai izanez behargin:
lorez lore dabiltza
udaberrian baldin
tenperatura goxoek
badiete eragin.
Garbitzaile, hornitzaile,
soldadu eta hargin
dena egiten dute
primeran eta arin
gerora ere erlauntza
sasoiko egon dadin.
Doinua: Nehoiz ez da senditzen.
Bertsoa: Jon Luzuriaga Iurramendi.
Lan hori guztia 40 bat eguneko tartean, bere bizi zikloa 40 egunekoa baita. Erlea, erle izan aurretik arrautza izan zen, larba eta ondoren linfa, erle bilakatu arte. Ziklo hori pasatakoan jaiotzen den momentutik hasten da lanean.
Beharko hori dena egiteko...