Arratsaldean, ostarte zabalak irekiko dira eta giroa eguzkitsua izango da. Gauean hodeiak ugarituko dira, baina inolako ondoriorik ekarri gabe. Haizeak goizean iparraldetik joko du, eta arratsaldean ipar-ekialdetik finkatuko da. Tenperaturak gora egingo du, 20-22 gradu harrapatuz.
Bihar, hodeitsu hasiko da berriro ere eguna, baina goizean zehar ostarteak irekitzen joango dira eta eguerdi alderako giro ederra nagusituko da. Arratsaldean eguraldi eguzkitsua nagusituko da. Zerua ez da guztiz urdin egongo, baina ostarteak zabalak izango dira eta giroa ederra izango da. Haizeak aldakor joko du goizean, ipar-ekialdetik finkatuz arratsaldean. Tenperaturan aldaketa gutxi emango da, eta 20-22 gradu harrapatuko ditu.