Arratsaldean antzeko joera errepikatuko da, erdi eta goi-mailako hodeiak ostarteekin tartekatuko dira. Azken orduetan bero-hodeiak garatuko dira, baina ez du euririk egingo. Haizeak goizean hegotik eta ahul joko du, eta arratsaldean ipar-ekialdetik finkatuko da. Tenperatura antzeko kokatuko da, eta 35-37 gradu harrapatuko ditugu.
Bihar berriro ere erdi eta goi-mailako hodei batzuk ostarteekin tartekatuta hasiko da eguna, baina giroa eguzkitsua izango da. Arratsaldean ezegonkortasun pixka bat egongo denez, bero-hodeiak garatuko dira eta ezin da baztertu arratsalde erditik aurrera ekaitzen bat edo beste lehertzea, nahiz eta probabilitatea txikia izango den. Haizeak hegotik joko du goizean eta ipar-mendebaldetik arratsaldean. Tenperaturak 33-35 gradu harrapatuko ditu, baina azken orduetan nabarmen freskatuko du.