Goiz erdirako ateri geratuko da, eta eguerditik aurrera ostarteak irekitzen hasiko dira. Arratsaldeko lehen orduetan ostarte politak irekiko dira eta giroa argia izango da, baina azken orduetan hodeiak ugarituko dira. Ipar-haizea nagusituko da, baina tenperaturek gora egingo dute, 23-25 gradu harrapatuz.
Bihar, hodeiek zerua estalirik dutela hasiko da eguna, eta han-hemenka euri txiki modura zertxobait bustiko du, bereziki goizeko lehen orduetan. Eguerditik aurrera erabat ateri egongo da eta ostarteak irekiko dira, egunaren bigarren zatian giro argia nagusituz. Gauean berriro ere hodeiak ugarituko dira. Ipar-haizeak joko du eta tenperaturetan aldaketa gutxi, 23-25 gradu harrapatuz.
