Arratsaldeko lehen orduak antzekoak izango dira, baina arratsalde erditik aurrera bero-hodeiak garatu eta han-hemenka ekaitzen bat edo beste lehertuko da, handi xamarrak izatea baztertu gabe. Ipar-haizea nagusituko da, tenperaturak behera egingo du, eta 30-32 gradu harrapatuko ditugu.
Bihar hodei askorekin hasiko da eguna, baina tantaren bat salbu, giro ateri eta lasaia izango da. Arratsaldean, aldiz, hodei-geruza are gehiago trinkotuko da eta euri txiki modura zaparrada txiki batzuk izango ditugu. Bero-hodeiak ere garatuko dira, eta ez da baztertzen han-hemenka ekaitzak jotzea. Haizeak iparraldetik joko du egun osoan. Tenperaturak nabarmen behera egingo du, eta 24-26 gradu harrapatuko ditugu.