Hala ere, hodei baxu horiek ez diote trabarik egingo eguzkiari eta giroa argia izango da. Goizak aurrera egin ahala, gainera, desagertzera egingo dute. Arratsaldean aldaketa gutxi espero da, eta zerua ia erabat urdin agertuko da. Haizeak iparraldetik joko du egun osoan zehar, biziago arratsaldean. Tenperaturak behera egingo du, eta 32-33 gradu harrapatuko ditugu.
Bihar giro atseginarekin hasiko da eguna, eta hodeiak eta ostarteak tartekatuko dira. Hodei baxuak izango dira, baina ez dute ondoriorik ekarriko. Arratsaldeko lehen orduak antzekoak izango dira, baina arratsalde erditik aurrera bero-hodeiak garatu eta han-hemenka ekaitzen bat edo beste lehertuko da, handi xamarrak izatea baztertu gabe. Ipar-haizea nagusituko da, tenperaturak behera egingo du, eta 30-32 gradu harrapatuko ditugu.