Arratsaldeko lehen orduak antzekoak izango dira, baina arratsalde erditik aurrera bero-hodeiak garatuko dira, eta nahiz eta aukera txikia izan, ezin da baztertu ekaitzak jotzea. Goizeko hego-haizeak iparraldekoari emango dio paso arratsaldean. Tenperaturak gora egingo du, eta 34-36 gradu harrapatuko ditugu.
Bihar erdi eta goi-mailako hodei batzuk ostarte zabalekin tartekatuta hasiko da eguna, baina giroa argia eta eguzkitsua izango da. Arratsaldean bero-hodeiak garatuko dira barnealdetik barrena, eta ez da baztertzen ekaitzen bat lehertzea, gainera, lehertzen den lekuetan handi xamarrak izango dira. Hego-ekialdeko haize bizia nagusituko da egun osoan. Tenperaturak gora egin, bero zakarra nagusitu eta 37-40 gradu harrapatuko ditugu.