Arratsaldean ere giro eguzkitsuak jarraipena izango du, nahiz eta, tarteka zeruan goi-hodei finak agertu. Hego-ekialdeko haizea nagusituko da egun guztian zehar, eta tenperaturaren gorakada handia izango da. 32-33 gradu harrapatuko ditugu egunaren erdiko orduetan.
Bihar jada ez da behe-lainorik agertuko goizean, eta agertzekotan ere oso gutxi izango da, goizean goizetik giro eguzkitsua nagusituko baita, tarteka zeruan goi-hodei fin batzuekin. Arratsaldean antzeko joera errepikatuko da, baina arratsalde erditik aurrera bero-hodei batzuk agertuko dira, nahiz eta, ez den ekaitzik espero. Haizeak hego-ekialdetik joko du goizean, eta ipar-ekialdetik arratsaldean. Tenperaturak antzeko jarraituko du, eta 32-34 gradu harrapatuko ditugu.