Arratsaldean ez da aldaketa handirik espero; izan ere, goi-hodei finen bat salbu, giro eguzkitsu eta ederra nagusituko baita. Haizeak goizean aldakor eta ahul joko du, eta arratsaldean ipar-ekialdetik finkatuko da. Tenperaturak gora egingo du, eta 23-24 gradu harrapatuko ditugu.
Bihar goizean berriro ere behe-lainoa sortuko da, baina nahiko azkar jasoko du, eta behin jaso ostean giro eguzkitsu eta ederra nagusituko da, tarteka goi-hodei fin batzuekin zeruan. Arratsaldean ere giro eguzkitsuak jarraipena izango du, nahiz eta, tarteka zeruan goi-hodei finak agertu. Hego-ekialdeko haizea nagusituko da egun guztian zehar, eta tenperaturaren gorakada handia izango da. 32-33 gradu harrapatuko ditugu egunaren erdiko orduetan.
