Hala ere, hodei horiek ez dute ondoriorik ekarriko. Arratsaldean ere antzeko joera errepikatuko da eta hodeiak pixkanaka nagusitzen joango dira. Ez da euririk espero. Haizeak ipar-mendebaldetik joko du goizean goizetik, tenperaturak beherakada handia jasango du, eta 25-27 gradu harrapatuko ditugu gehienez.
Bihar hodei dezenterekin hasiko da eguna, baina hodei horiek ez dute bestelako ondoriorik ekarriko, eta tantaren bat salbu, ateri eutsiko dio. Egunaren erdiko orduetan zerua zertxobait irekiko da, eta ostarte gehiago agertuko dira, baina arratsaldean berriro ere hodeiek zerua estaliko dute. Ipar-mendebaldeko haizeak jotzen jarraituko du, eta tenperaturak beheraka jarraituko du; gehienez 22-24 gradu harrapatuko ditugu.
