Arratsaldeko lehen orduetan zaparrada politen bat edo beste eroriko da, eta azken orduetan giroa lasaituko da. Ipar/ipar-mendebaldeko haizea zakar antzean ibiliko da. Tenperaturak behera egin, eta gehienez 13-15 gradu harrapatuko ditu.
Bihar giro ilun eta bustiarekin hasiko da eguna; hodeiak izango dira nagusi eta euri giroa izango da. Zaparradak sarri botako ditu, eta tarteka mardulak izango dira. Eguerdian eta arratsaldeko lehen orduetan antzeko joera errepikatuko da. Azken orduetan euri gutxiago izango da, baina euritsu jarraituko du. Ipar-haizeak zakar joko du eta tenperaturak beheraka jarraituko du, gehienez 11-12 gradu harrapatuz.
