Arratsaldean, aldiz, euritarako joera handixeagoa izango da. Zaparradak mardulxeagoak izango dira, baina litro gutxi pilatuko dira. Ipar-mendebaldeko haizearen eraginpean izango gara egun osoan, eta horrekin tenperaturak behera egingo du, gehienez 14-16 gradu harrapatuz.
Bihar hodeitsu hasiko da eguna eta goizean zehar euria izango da. Goizeko lehen orduan ez da askorik eroriko, baina goizean zehar zaparradek indar pixka bat irabaziko dute. Arratsaldeko lehen orduetan zaparrada politen bat edo beste eroriko da, azken orduetan giroa lasaituz. Ipar/ipar-mendebaldeko haizea zakar antzean ibiliko da. Tenperaturak behera egin, eta gehienez 13-15 gradu harrapatuko ditu.
