Hala ere, ez da euri askorik espero. Arratsaldean, aldiz, bero-hodeiak garatuko dira eta ekaitzetara joko du. Ekaitzak ez dira oso ugariak izango, baina lehertzen duen lekuetan handi xamarrak izan daitezke. Haizeak hegotik joko du. Epeldu egingo du, eta 20-22 gradu harrapatuko ditugu.
Bihar giro atseginarekin hasiko da eguna. Nahiz eta, behe-laino pixka bat eta erdi eta goi-mailako hodei batzuk agertu zeruan, giro ateri eta argia nagusituko da. Arratsaldean, ordea, egoera ezegonkortu egingo da. Bero-hodeiak garatu eta ekaitzetara joko du. Ekaitzak ez dira ugariak izango, baina han-hemenka mardul botako du. Gauean atertzera egingo du. Hego-haizea bizi ibiliko da. Tenperaturak antzeko jarraituko du, eta 20-22 gradu harrapatuko ditugu.
