Arratsaldean, ordea, bero-hodeiak garatuko dira ezegonkortasunaren eraginez, eta ekaitzen bat lehertu daiteke, nahiz eta probabilitatea txikia izango den. Haizeak hego-ekialdetik joko du, arratsaldean ipar-ekialdekoa sartuz. Tenperaturak gora egingo du, 19-20gradu harrapatuz.
Bihar hodei askorekin hasiko da eguna. Erdi eta goi-mailako hodeiak izango dira, baina hodei horiek han-hemenka zaparradaren bat edo beste utziko dute. Hala ere, ez da euri askorik espero. Arratsaldean, aldiz, bero-hodeiak garatuko dira, eta ekaitzetara joko du. Ekaitzak ez dira oso ugariak izango, baina lehertzen duen lekuetan handi xamarrak izan daitezke. Haizeak hegotik joko du. Tenperaturak gora egingo du, 20-22 gradu harrapatuz.
