Bero-hodeiak garatu eta ekaitzetara joko du. Arratsaldeko lehen orduetan ez da ekaitz nabarmenik espero, baina azken orduetan ekaitz handi xamarrak lehertuko dira, txingorra botatzea baztertu gabe. Hego-haizea nagusituko da. Hoztu egingo du, eta 20-22 gradu harrapatuko ditugu gehienez.
Bihar goizaldean eta goizean goiz aurreko eguneko ekaitzaldiaren hondarrak emango dira, eta han-hemenka oraindik zaparradaren bat botako du. Eguerdian giroa zertxobait lasaituko da, baina arratsaldeko lehen ordutik aurrera egoera ezegonkortu eta zaparrada giroa nagusituko da. Zaparradak botako ditu eta berriro ere ekaitzak jo dezake. Hego ukituko haizea ibiliko da goizean eta iparraldekoa arratsaldean. Gehiago hoztuko du, eta 18-20 gradu harrapatuko ditugu gehienez.