Arratsaldeko lehen orduak ere antzekoak izango dira. Arratsalde erditik aurrera bero-hodeiak garatuko dira, eta litekeena da ekaitzen bat edo beste lehertzea. Haizeak goizean hego-ekialdetik joko du, eta arratsaldean ipar-ekialdetik finkatuko da. Epeldu egingo du eta 23-25 gradu harrapatuko ditugu.
Bihar hodeiak eta ostarteak tartekatuta hasiko da eguna; nahiz eta, hodeiak nagusi izan, ateri eutsiko dio. Eguerditik aurrera, ordea, egoera erabat ezegonkortuko da. Bero-hodeiak garatu eta ekaitzetara joko du. Arratsaldeko lehen orduetan ez da ekaitz nabarmenik espero, baina azken orduetan ekaitz handi xamarrak lehertuko dira, txingorra botatzea baztertu gabe. Hego-haizea nagusituko da. Hoztu egingo du, eta 20-22 gradu harrapatuko ditugu gehienez.