Arratsaldean egoera ezegonkortuko da: hodeiek tarteka zaparrada batzuk utziko dituzte, eta tarteka ekaitzak jo dezake. Hala ere, litrotan ez da askorik espero. Haizeak aldakor antzean joko du, goizean hego ukitu batekin. Tenperaturak gora egingo du, 22-24 gradu harrapatuz.
Bihar nahasitik hasiko da eguna. Hodeiak izango dira nagusi, nahiz eta guztiz estalirik ez egon. Tarteka zaparradaren bat edo beste utziko dute, eta egunsentian ekaitz kutsukoak izan daitezke. Arratsaldean aldiz pixkanaka egoera lasaitzen joango da. Arratsalde erdirako atertu egingo du, eta ostarteak irekiko dira. Haizeak aldakor antzean joko du, eguerditik aurrera iparraldetik finkatuz. Tenperaturak behera egingo du, 20-22 gradu harrapatuz.
