Arratsaldean zehar mendi inguruetan bero-hodeiak garatuko dira, baina inolako ondoriorik gabe. Giro lasaiarekin amaituko da eguna. Hego-haizea bizitu egingo da. Tenperaturak gora egingo du 26-28 gradu harrapatuz.
Bihar erdi eta goi-mailako hodei askorekin hasiko da eguna, baina zaparrada isolaturen bat salbu, goiza orokorrean lasaia izango da. Eguerdian eta arratsaldeko lehen orduan barnealdetik barrena bero-hodeiak iritsiko dira, ekaitzen bat baztertu gabe. Ondoren giroa lasaitu egingo da, baina gauean ez da baztertzen mendebaldetik berriro ere ekaitzetara jotzea. Goizean hego-haizea ibiliko da, arratsaldean iparraldera aldatuz. Tenperaturak behera egingo du, 23-25 gradu harrapatuz.
