Arratsaldeko lehen orduetan mendi inguruetan hodei batzuk agertuko dira, baina gutxitzera egingo dute, eta arratsaldean ere giro eguzkitsu eta ederrak jarraituko du. Goizean haizeak hego-ekialdetik joko du, baina eguerditik aurrera iparraldera egingo du. Tenperaturak behera egingo du 22-24 gradu harrapatuz.
Bihar hodeigune batzuk agertuko dira goizean zehar zeruan, baina orokorrean erdi eta goi-mailako hodeiak izango dira, eta ez dute bestelako ondoriorik ekarriko. Giro eguzkitsuak jarraituko du, beraz. Arratsaldean zehar mendi inguruetan bero-hodeiak garatuko dira, baina inolako ondoriorik gabe, eguna giro lasaiarekin amaituz. Hego-haizea bizitu egingo da. Tenperaturak gora egingo du 24-26 gradu harrapatuz.
