Egunaren erdiko orduetan ostarte politak nagusituko dira eta giroa argia izango da, baina gauean hodeiak ugarituko dira berriro. Goizean hego ukituko haizea ibiliko da, eta arratsaldean iparraldetik finkatuko da. Tenperaturak nabarmen gora egingo du, 19-21 gradu harrapatuz.
Bihar hodei askorekin hasiko da eguna berriro ere, baina goizak aurrera egin ahala ostarteak gailentzen joango dira, eta eguerditik aurrera giro eguzkitsua nagusituko da. Arratsaldeko ordu askotan giro ederra izango da. Gauean mendebaldetik barrena goi-hodeiak ugarituko dira, baina inolako ondoriorik gabe. Goizean hego ukituko haizea ibiliko da, eta arratsaldean ipar-ekialdetik finkatuko da. Tenperaturak gorantz jarraituko du, 20-22 gradu harrapatuz.
