Eguerdian, edo gehienez jota arratsaldeko lehen orduan, erabat ateri geratuko da, ostarteak nagusituko dira, eta eguna giro atseginarekin amaituko da. Haizeak goizean eta gauean hego ukitua izango du, eta egunaren erdiko orduetan iparraldekoa nagusituko da. Tenperaturak gora egingo du, 13-15 gradu harrapatuz.
Bihar aurreko egunetako hezetasunaren ondorioz behe-laino pixka bat sortuko da bailaretan, baina eguzkiak segituan xurgatuko du, eta giro eguzkitsu eta ederra nagusituko da. Egunaren erdiko orduetan goi-hodei fin batzuk agertuko dira zeruan, baina ondoren desagertzera egingo dute eta giro eguzkitsua izango da jaun eta jabe. Goizean hego ukituko haizea ibiliko da, eta arratsaldean iparraldetik finkatuko da. Tenperaturak nabarmen gora egingo du, 17-19 gradu harrapatuz.
