Zaparrada giroa nagusituko da. Zaparrada horiek orokorrean ez dira indartsuak izango, baina tarteka bizi-bizi botako du, eta uneren batean mardul bota dezake. Arratsaldean antzeko joera errepikatuko da, baina gauean euria gutxituko da. Ipar/ipar-mendebaldeko haize bizia nagusituko da. Tenperaturak beste pixka bat gora egin, eta 11-13 gradu harrapatuko ditu.
Bihar eguraldi triste eta amorragarriarekin hasiko da eguna. Zerua estalirik agertuko da, eta euri zaparrada txiki batzuk botako ditu. Eguerdian eta arratsaldeko lehen orduetan euri zaparradak zertxobait indartuko dira. Azken orduetan euri gutxiago espero da, baina ez du guztiz atertuko. Ipar-haizeak indartsu joko du, eta tenperaturan aldaketa gutxi, 11-13 gradu harrapatuz gehienez.
