Goizean zaparrada batzuk botako ditu, eta orokorrean ahulak izango diren arren, tarteka bizi botako du. Arratsaldean, aldiz, pixkanaka atertzeko joera hartuko du, eta gau alderako erabat ateri geratuko da. Ipar-haize fina nagusituko da egun osoan zehar. Tenperaturak beheraka jarraituko du, eta nekez gaindituko dira 9-11 gradu.
Bihar hodei dezenterekin hasiko da eguna, baina euri tantaren bat salbu, giro ateri eta lasaia nagusituko da. Arratsaldean gainera, ostarte batzuk zabalduko dira, eta giro argi eta atsegina nagusituko da. Gauean itsasotik barrena hodeiak iritsiko dira, eta zerua estaliko da. Ipar-haizea nagusituko da berriro ere, eta fin ibiliko da. Tenperaturak koska bat egingo du gora, 10-12 gradu harrapatuz.