Eguerdian ordea fronte bat iritsiko da, eta euritara joko du. Arratsaldean zaparradak emango dira. Ez da euri askorik espero, baina tarteka zaparrada biziagoren bat edo beste izango da. Goizeko lehen orduan hego-mendebaldeko haizea ibiliko da, baina ondoren ipar-mendebaldera aldatuko da. Tenperaturak behera egingo du, gehienez 13-15 gradu harrapatuz.
Bihar giro kaxkarrarekin hasiko da eguna. Zeruan hodeiak nagusi izango dira, eta euri kontuak izango dira. Goizean zaparrada batzuk emango dira; orokorrean ahulak izango dira, baina tarteka bizi botako du. Arratsaldean, aldiz, pixkanaka atertzeko joera hartuko du, eta gau alderako erabat ateri geratuko da. Ipar-haizea fina nagusituko da egun osoan zehar. Tenperaturak beheraka jarraituko du, eta nekez gaindituko ditu 9-11 gradu.