Arratsaldean aldiz, barnealdetik eta mendebaldetik barrena erdi eta goi-mailako hodeien presentzia areagotu egingo da, eta zerua zikinago utziko dute. Hala ere, ez da euririk espero, eta giro egonkor eta atseginak jarraipena izango du eguna amaitu bitarte. Hego-haizeak zakar jotzen jarraituko du, nahiz eta, indar pixka bat galdu. Tenperaturak antzeko jarraituko du, eta 20-22 gradu harrapatuko ditugu.
Bihar ostarte zabalekin hasiko da eguna, eta goizean zehar giro eguzkitsu eta ederra nagusituko da. Arratsaldean aldiz goietan sartuko den aire-hotzak egoera zertxobait ezegonkortu egingo du. Hodeiak garatu egingo dira, eta ez da baztertzen zaparrada isolaturen bat botatzea. Hala ere, huskeria izango da, eta orokorrean ateri egongo da. Gauean hodeiak ugarituko dira. Hego-haizeak joko du egunaren lehen zatian eta ipar-mendebaldekoak bigarrenean. Hoztu egingo du, eta 18-20 gradu harrapatuko ditugu.