Arratsaldean, goi-hodeiak ugaritu egingo dira eta zeruari kolore zurixka emango diote, baina trabarik egin gabe eguzkiari, eta giro eguzkitsua izango da. Haizeak hego-ekialdetik joko du, bolada zakarrekin goizean eta gauean. Tenperaturek antzeko jarraituko dute, 22-25 gradu harrapatuz.
Bihar, goizean hegoaldetik barrena lanbro-laino pixka bat agertuko da, baina ostarteak zabalak izango dira eta giroa eguzkitsua izango da. Arratsaldean, aldiz, behin hodei hauek desagertu ostean, eguraldi eguzkitsu eta bikaina nagusituko da eguna amaitu bitarte. Haizeak hego-ekialdetik zakar edo oso zakar joko du. Tenperaturek zertxobait behera egingo dute, 20-22 gradu harrapatuz.
