Zaparradak sarri botako ditu, eta egunaren lehen orduetan, tarteka gogotik botako du, ekaitzak jotzea baztertu gabe. Arratsaldean pixkanaka zaparradak tartekatuagoak izango dira, ahulduz joango dira eta aterruneak luzatu egingo dira, nahiz eta ez duen guztiz atertuko. Ipar-haize fina nagusituko da. Nabarmen hoztuko du, eta gehienez 8-10 gradu harrapatuko dira. Elurra 1.000 metro inguruan izango da.
Bihar giro motelarekin hasiko da eguna. Zerua estalita agertuko da eta tarteka euri txiki pixka bat izango da. Arratsaldean ere antzeko joera errepikatuko da, zerua estalita egongo da eta tarteka euri zaparrada txiki batzuk izango dira. Gau aldera litekeena da euri gehixeago botatzea. Ipar-haizeak jotzen jarraituko du, baina tenperaturak gora egingo du, eta 11-13 gradu harrapatuko ditugu.