Arratsaldean aldiz pixkanaka mendebaldetik barrena hodeiak ugarituko dira, fronte ahul bat iritsiko da, eta euritara joko du. Zaparradak ahulak izango dira, eta euri gutxi botako du orokorrean. Goizean haizea hegotik ibiliko da, eta arratsaldean ipar-mendebaldetik. Tenperaturak gora egingo du, 15-17 gradu harrapatuz.
Bihar hodeiak eta ostarteak tartekatuz hasiko da eguna, baina orduek aurrera egin ahala ostarteak nagusituko dira, eta giro eguzkitsua izango da jaun eta jabe. Arratsaldean goi-hodei fin batzuk salbu, eguraldi eguzkitsu eta ederrak jarraipena izango du, eta halaxe amaituko da eguna. Goizean haize aldakorra ibiliko da, egunean zehar hegotik finkatuz. Tenperaturak gora egingo du, 17-19 gradu harrapatuz.