Arratsaldean, ordea, berriro ere giroa ezegonkortu egingo da eta ekialdetik barrena zaparrada batzuk sartuko dira; arratsalde erdian uneren batean mardul botako du. Gauean euri gutxiago izango da. Hego-ekialdeko haizea itzuliko da eta epeldu egingo du; 14-16 gradu harrapatuko ditugu.
Bihar hodei asko izango da goizean goizetik, baina nahiko ateri eutsiko dio egunaren lehen zatian, eta tarteka ostarte batzuk zabalduko dira. Arratsaldean hodei-geruza trinkoagoa izango da eta ez da baztertzen barnealdetik barrena zaparradaren bat sartzea. Hala ere, euri gutxi egingo du, eta ordu askotan ateri eutsiko dio. Hego/hego-ekialdeko haizeak joko du, baina zertxobait hoztuko du,eta gehienez 13-15 gradu harrapatuko ditugu.