Goiz erdian eta bereziki eguerdian nahiko ateri eutsiko dio, eta tarteka ostarteren bat ere ikusiko dugu. Arratsaldean, ordea, giroa ezegonkortu egingo da eta tarteka zaparrada batzuk izango dira; gainera, une batzuetan mardul botako du, bereziki egunaren azken orduetan. Ipar-mendebaldeko haizea nagusituko da, eta nabarmen hoztuko du; gehienez 12-14 gradu harrapatuko ditugu.
Bihar goizeko lehen orduetan zaparrada txiki batzuk emango dira, baina orokorrean ahulak izango dira eta eguerdi aldera atertzeko joera hartuko du. Arratsaldean, ordea, berriro ere giroa ezegonkortu egingo da eta ekialdetik barrena zaparrada batzuk sartuko dira; arratsalde erdian uneren batean mardul botako du. Gauean euri gutxiago izango da. Hego-ekialdeko haizea itzuliko da eta epeldu egingo du; 14-16 gradu harrapatuko ditugu.
