Arratsaldearen gehienean giro eguzkitsua nagusituko da. Azken orduetan mendebaldetik barrena goi-hodeiak ugarituko dira, baina inolako ondoriorik gabe. Hego-haizeak ahul xamar joko du. Tenperaturak behera egingo du, 18-20 gradu harrapatuz.
Bihar zerua ia erabat oskarbi agertuko da egunaren lehenbiziko orduetan, eta giro ederraz gozatu ahalko da goizean. Arratsaldeko lehen orduetan erdi eta goi-mailako hodei batzuk agertuko dira, eta arratsalde erditik aurrera zerua estaliko duten hodei baxuak ugarituko dira. Gauean tantaren bat bota dezake. Hego-mendebaldeko haizeak joko du, azken orduetan ipar-mendebaldetik finkatuz. Tenperaturak behera egingo du, eta termometroak gehienez 16-18 gradura iritsiko dira.
